உலக கோப்பை கால்பந்து தகுதி சுற்று: ஜெர்மனி அணி அதிர்ச்சி தோல்வி

May 21, 2021 0

கத்தாரில் அடுத்த ஆண்டு (2022) இறுதியில் நடைபெறும் 22-வது உலக கோப்பை கால்பந்து போட்டிக்கான ஐரோப்பிய மண்டல தகுதி சுற்று போட்டிகள் பல்வேறு இடங்களில் நடந்து வருகிறது.

இதில் பங்கேற்றுள்ள 55 அணிகள் 10 பிரிவாக பிரிக்கப்பட்டு லீக்கில் மோதி வருகின்றன.

Also read :சாம்பியன்ஸ் லீக் கால்பந்து: செல்சி அணி இறுதிப்போட்டிக்கு முன்னேற்றம் ரியல் மாட்ரிட்டை வீழ்த்தியது

‘ஜெ’ பிரிவில் இடம் பிடித்துள்ள 4 முறை உலக சாம்பியனான ஜெர்மனி அணி தனது 3-வது லீக் ஆட்டத்தில் வடக்கு மாசிடோனியாவை சந்தித்தது. இந்த போட்டி ஜெர்மனியில் நேற்று முன்தினம் இரவு நடந்தது.

Also read :புரோ ஆக்கி லீக்: இந்திய அணியின் ஆட்டங்கள் தள்ளிவைப்பு

விறுவிறுப்பான இந்த ஆட்டத்தில் ஜெர்மனி அணி 1-2 என்ற கோல் கணக்கில் வடக்கு மாசிடோனியாவிடம் அதிர்ச்சி தோல்வி கண்டது. இந்த தோல்வியின் மூலம் உலக கோப்பை தகுதி சுற்று வரலாற்றில் தொடர்ச்சியாக 18 வெற்றிகளை ருசித்து இருந்த ஜெர்மனியின் வெற்றிப்பயணம் முடிவுக்கு வந்தது.

Also read :இந்திய ஆக்கி அணியின் கேப்டன் உள்பட 7 வீராங்கனைகள் கொரோனாவால் பாதிப்பு

அத்துடன் தகுதி சுற்றில் 20 ஆண்டுகளில் ஜெர்மனி அணி சந்தித்த முதல் தோல்வியும் இது தான். இதுவரை ஜெர்மனி அணி 2 வெற்றி, ஒரு தோல்வியுடன் தனது பிரிவில் 3-வது இடத்தில் உள்ளது.